GENSAN – Nagmalampuson ang gipahigayon nga BOSS Ironman Challenge Mindanao Cup 2026 dinhi sa dakbayan sa Heneral Santos nga gitambongan sa daghang atleta gikan sa nagkalain-laing bahin sa nasod nga nagsugod kaniadtong Enero 31 hangud Pebrero 1 ning tuiga.
Usa sa mga unang nakaabot sa finish line mao si Norodin Utto nga taga Cotabato City. Matud ni Utto, dakong kalipay alang kaniya nga nahuman niya ang maong kompetisyon nga luwas ug malinaw .
Iyang gipadayag nga bisan sa kahago , nakahatag kini kaniya og dakong kasinatian ug inspirasyon aron magpadayon sa pag-ensayo ug pag-apil sa susamang mga kalihokan sa umaabot.
Gipasalamatan usab niini ang kapulisan ug mga organisador sa hugot nga seguridad ug maayong pagdumala sa kalihokan gikan sa pagsugod hangtud sa katapusan sa event.
Sumala sa mga tigpasiugda sa kalihokan, ang BOSS Ironman Challenge Mindanao Cup 2026 dili lamang usa ka kompetisyon sa kusog ug kadasig kundili usa usab ka paagi sa pagpalambo sa sports tourism ug pagpakita sa abilidad sa dakbayan sa Heneral Santos sa pag-host og dagkong sporting events
