Nagdeklara ang lungsod sa Bongao sa probinsya sa Tawi-Tawi og State of Local Emergency tungod sa grabeng kakulangon sa suplay sa gasolina ug diesel.
Base sa Executive Order No. 22 nga gipirmahan ni Mayor Jasper Que, ang lungsod karon nakasinati og “kritikal nga kakulangon” sa gasolina tungod sa kakulangon sa mga tinubdan sa suplay.
Tungod niini, ang transportasyon, panagat paghatud sa mga nag-unang palaliton, ug ang padayon nga paghatag sa mga importanteng serbisyo sa gobyerno ang naapektuhan.
Sumala sa kamanaduan ang krisis naghatag og seryosong hulga sa kaayohan sa publiko ug kalig-on sa ekonomiya, labi na sa gagmay nga mga mananagat mga trabahante nga inadlaw-adlaw ang suhulan, ug mga operator sa transportasyon nga grabeng naapektuhan.
Ubos sa deklarasyon, gitugotan ang paggamit sa mga ‘calamity fund’ ug ang diha-diha nga pagpatuman sa mga lakang aron masulbad ang sitwasyon.
Samtang, ang kakulangon gipahinungod sa padayon nga pagsaka sa presyo sa lana nga gipahinabo sa panagbangi sa US-Iran, nga nakaapekto sa paglihok sa mga produkto sa petrolyo.
