Gikumpirma sa Bombo International Correspondent nga si Denmark Sued nga tinuod ang balita nga adunay training sa ISIS sa Pilipinas ang duha ka suspek sa pagpamusil sa Bondi Beach sa Sydney, Australia.
Sumala sa report, nakit-an sa imbestigasyon nga sa ge-raid sa sakyanan sa mga suspek, duha ka ISIS flag ang nadiskobre ug napamatud-an nga ang mga suspek adunay travel history sa Pilipinas.
Ang insidente sa Bondi Beach nagresulta sa kamatayon sa daghang insosente nga tao ug pagkaangol , lakip na ang duha ka pulis. Ang mga awtoridad sa Australia nagpadayon sa mas lawom nga imbestigasyon aron masuta ang posibleng koneksyon sa mga lokal ug internasyonal nga extremist groups.
Gipahimangnoan usab sa mga otoridad ang publiko nga magmatngon ug ipahibalo dayon ang mga dili maayong kalihokan sa kapulisan.
Ang panghitabo nagpakita sa padayon nga hulga sa terorismo ug ang panginahanglan sa kooperasyon sa internasyonal nga law enforcement aron mapugngan ang sama nga mga insidente sa umaabot.
