Subli na usab nga gipamatud-an sa Bombo Radyo Philippines ang kamaayo niini sa industriya sa pagbalita, human nga makasulod isip finalist ang walo ka entries sa siyam nga kategorya sa prestihiyosong Catholic Mass Media Awards ning tuiga.
Ang mga programa sa network ang giila alang sa ilang dedikasyon sa paghatod og taas nga kalidad nga unod sa pagbalita nga miabot sa nagkadaiyang mga tigpaminaw sa tibuok nasud.
Lakip sa mga finalists ang mga programa gikan sa nagkalain-laing sibyahanan sa Bombo Radyo og Star FM.
Kamatikdan nga sa pipila ka mga kategorya, daghang nominasyon ang Bombo Radyo, nga ang mga programa niini ang naglabanay, usa ka pamatuod sa dominasyon sa network sa natad.
Mga kategorya kung asa giila ang Bombo Radyo Philippines:
Best Business Program og Bombo Special Report (Bombo Radyo Philippines)
Samtang, Best Counseling Program ang Kahapon Lamang sa Bombo Radyo Dagupan, Best Drama Program ang Recuerdos Dela Vida sa Bombo Radyo Vigan og The Messiah sa Star FM Cebu; Best Entertainment Program ang Afternoon Starsweep sa Star FM Bacolod; Best Educational Program, Bombo Special Report sa Bombo Radyo Philippines) og The Visita Iglesia sa Bombo Radyo Legazpi; Best News Commentary, Bombo Special Report sa Bombo Radyo Philippines og Bombohanay Bigtime sa Bombo Radyo Baguio; Best News Feature ang Bombohanay Bigtime sa Bombo Radyo Koronadal og Good Morning Philippines sa Bombo Radyo Laoag; Best News Program ang Bombo Network News sa Bombo Radyo Philippines; Bombo News and Views Morning Edition sa Bombo Radyo Cebu.
Usa ka ‘interesting dynamic’ sa mga pasidungog ning tuiga mao ang internal nga kompetisyon tali sa mga programa sa Bombo Radyo.
Sa mga kategorya susama sa Best News Program, Best News Feature, Best News Commentary, Best Educational Program, og Best Drama, daghang programa sa Bombo Radyo ang naglabanay.
Kini nagpakita sa padayong nagpakita sa maayong kalidad og unod sa balita nga ginasibya sa nagkadaiyang sibyahanan sa network.
Ang Catholic Mass Media Awards giila sa pag-ila sa kamaayo sa media nga nagapatuman sa mga Christian values, og ang daghang nominasyon sa Bombo Radyo Philippines ang nagpakita sa ilang dedikasyon sa paghatag og impormasyon, makalingaw og ‘morally uplifting broadcasting’.
