Giila ang Bombo Radyo Philippines nga Most Reliable AM Station sa Trinity University of Asia sa 10th Platinum Stallion National Media Awards 2025.
Ang maong pasidungog nga gitumbok pinaagi sa usa ka komprehensibong survey nga gilangkoban sa nagkadaiyang grupo og komunidad, ang nagpamatuod sa dili matarog nga dedikasyon sa network sa paghatag og matinud-anong balita, pampublikong serbisyo, og impormasyon sa mga Pilipino sa tibuok nasod og sa tibuok kalibutan.
Ang Platinum Stallion National Media Awards usa ka prestihiyosong panghitabo nga miila sa kamaayo sa nagkadaiyang sektor sa media, lakip ang telebisyon, radyo, pelikula, digital, og emerging platforms.
Ang Trinity University of Asia (TUA) usa ka private, Christian university sa Quezon City.
Gitukod kaniadtong 1963, kini ang kanhi giila isip Trinity College of Quezon City og sukad kaniadto milambo kini isip usa ka reputable institution nga giila sa kamaayo sa health sciences, negosyo, komunikasyon, information technology og social sciences.
Gawas sa pinakaulahing maong pag-ila gikan sa Trinity University of Asia, ang Bombo Radyo Philippines ang padayong ginaila sa national research organizations isip leading and most trusted radio network in the country.
Sumala sa Philippine Information Agency (PIA) National Survey on Media and Information, ang Bombo Radyo Philippines ang gikonsidera nga pinakamasaligan nga tinubdan sa balita og impormasyon sa radio category.
Samtang, ang OCTA Research 2024 Fourth Quarter TUGON NG MASA SURVEY nagbutyag nga ang Bombo Radyo ang nag-una nga radio station nga ginagamit isip tinubdan sa balita og impormasyon sa mga edarang Pilipino.
Gawas niini, ang Pahayag Survey Series sa Publicus Asia, Inc. ang padayong giila ang Bombo Radyo isip labing masaligan nga Radio Network sa Radio Category.
Ang maong mga sunod-sunod nga award ang nagpamatuod sa status sa Bombo Radyo Philippines isip #1, pinaka-gisaligan og pinaka-malauman nga radio network sa bansa.
Samtang padayon kining nag-una sa natad sa radio broadcasting, ang Bombo Radyo nagpabiling matinud-anon sa paghatod sa tinuod og mahinongdanong balita og impormasyon sa katawhang Pilipino. Basta Radyo…BOMBO!
