GENSAN- Mapasigarbuhon ang Bombo Radyo GenSan sa bag-ong nadawat nga pasidungog nga nagpakita sa pagtamod sa ginatawag nga social responsibility pinaagi sa ginahimong mga proyekto.
Kini human nga midawat ang sibyahanan ug Plaque of Appreciation gikan sa Philippine Red Cross-Sarangan Gensan Chapter ning adlawa. Kini alang sa 13 ka tuig nga partnership sa pagpromotar sa Blood Service Program sa Red Cross kung asa tumong ang pagluwas sa kinabuhi sa mga nanginahanglan.
Ang paghatag sa award atul sa ika-51 ka tuig nga compassionate service sa PRC ning adlawa.
Ang partnership ngadto Red Cross ang magpadayon, gani, sa umaabot November 15, 2025, ang Bombo Radyo ang subling magpahigayon og simultaneous og nationwide nga blood letting activity nga gitawag nga ‘Dugong Bombo’ sa Robinsons Mall.
