GENERAL SANTOS – Gidagsa sa hilabihang kadaghang tawo , mga turista, expectators ug uban pa ang Bombo Bancarera Mindanao Circuit Final Leg nga gipahigayon sa South Bay Brgy. Dadiangas South niining dakbayan atol sa unang adlaw sa Tuna Festival 2024.
Nagkampeon sa kompetisyon si Rodjie Barit nga taga Maasim ,Sarangani Province gikan sa Team Pacific Green human nga unang nakaabot sa finish line hinungdan nakuha ang P100,000 cash ug brand new nga makina.
Nasuta nga si BarIt ang nag- kampeon sa gipahigayon nga Bancarera Kadayawan festival sa Davao City.
Mapasalamaton ang nasangpit sa tanang nagsuporta sa ilahang team ug sa Bombo Radyo Gensan ug alang sa tanan nga katawhan nga mitan-aw sa bancarera aron mahimo kini nga malampuson.
First runner-up si Mohamar Basucao nga taga Samal Island gikan Team Rc warriors nga midawat sa premyo nga P50,000 cash , samtang 2nd runner-up si Boy Sapilin nga taga Bunawan Davao City gikan sa Team doremon nga midawat sa premyo nga P20,000 cash.
Mapasalamaton usab si Rodgie Barit sa tanan nga mga nag suporta sa ilahang team ug sa Bombo radyo gensan alang sa tanan nga katawhan nga mitambong sa bancarera aron mahimo kini nga malampuson.
Ang Bombo Radyo nagpasalamat sa tanang misaksi ingon man sa Lokal nga Panggamhanan sa Gensan, mga otoridad, force mulitipliers, Phil. Coast Guard og daghan pa.
Subling napamatud-an sa Bombo Radyo nga ‘crowd drawer’ gayud ang Bombo Radyo bancarera base sa nasaksihan nga daghang ihap sa mga tawo nga mitan-aw
