GENERAL SANTOS CITY – Nagmalampuson ang natigayon nga Bombo Medico 2018 dinhi sa siyudad, nga gipahigayon sa Golden State College-Lagao Campus.
Mukabat sa 6,725 ka tawo ang nahimong benepisyaryo ning tuiga. Sa naasoy’ng ihap, 2,850 ang naka-avail sa libreng medical check-up, 545 ang nakapaibot ug ngipon, 680 ka tawo ang nakapakonsulta samata sa optical services ug nakadawat ug libreng eyeglasses.
Human sa check-up, nakadawat ang tanan ug libreng tambal ug mga bitamina.
Samtang 2,650 ka tawo usab ang naka-avail sa other services sama sa libreng gupit, masahe, tuli, legal services, feeding ug daghan pa.
Mukabat usab sa 21 ang mapalad nga benepisyaryo ngas nahatagan ug libreng wheelchair nga gikan kanilang Sir Warren ug Ma’am Sara Manilay sa Golden State College.
Nanghatag usab ug 15 ka artificial leg ang local goverment sa Sarangani Province. Ug gani, duha ka tawo ang nasukdan na ug mahimo nang makadawat sa ilang bag-o nga artificial leg.
Gumikan niini, nagpasalamat ang Bombo Radyo sa tanan nga nahimong partners, sponsors ug volunteers nga misuporta hinungdan nga nagmalampuson ang Bombo Medico 2018 dinhi sa siyudad.
