GENERAL SANTOS CITY – Kinasing-kasing ang pagpasalamat sa Bombo Radyo Gensan sa tanang mga blood donors nga gaapil matag higayon nga magpahigayon ug Dugong Bombo dinhi sa siyudad.
Kini human nga gideklara na usab ang sibyahanan isip numero uno nga Mobile Blood Donor Organizer sa dakbayan. Dungan sa regular session sa Sangguniang Panglungsod niadtong February 12, 2019 gihatagan ug pag-ila ang Bombo Radyo GenSan sa kontribusyon sa National Voluntary Blood Services Program nga ams nailhan isip Sandugo.
Kahibaluan nga kapin 10 ka higayon nang gideklara nga number one mobile blood donor ang sibyahanan
gumikan sa tinuig nga pagpahigayon ug Dugong Bombo nga usa sa corporate social responsibility sa
Bombo Radyo Philippines.
Kaninumduman nga kaniadtong Nobyembre miaging tuig, dul-an 600 ka tawo ang nahimong successful
blood donors sa Dugong Bombo 2018.
Dungan niini, gipasidunggan usab ang Philippine Red Cross Gensan-Sarangani chapter nga maoy ka-
partner sa Bombo Radyo GenSan sa pagpahigayon ug tinuig nga blood-letting service, apil na ang uban
pang mga indibidwal nga regular ug makadaghang higayon nang nag-donate ug dugo sa tumong nga
makatabang sa mga isig-kaingon nga nagkinaganglan ug dugo.
