GENERAL SANTOS CITY – Gitawag nga labing prestihiyoso nga lumba sa mga bangkang de motor ni Romy Torilla sa National Bancaton Federation of the Philippines, ang Bombo Bancarera dinhi sa GenSan.
Kini gumikan subay sa iyang nasaksihan miaging tuig atul gihapon sa Bombo Bancarera: Tuna Festival Edition, nakita matud pa niya kon unsa gayud kadaghan ang katawhan nga midagsa sa Queen Tuna Park ug mitan-aw sa nahisgutang event, nga mas daghan pa itandi sa crowd sa ilang ginapahigayon usab nga bancarera didto sa Luzon.
Hinungdan nga gawas sa mga banca riders nga maoy mulumba, naghinam-hinam usab matud pa siya nga subling makasaksi sa kulbahinam nga bancarera nga gipasiugda sa Bombo Radyo GenSan.
Nindot usab matud pa kaayo ang venue gumikan mahimong maka-cater ug hilabihan kadaghan nga crowd.
Nalipay usab si Mr. Torilla dihang nasayran nga plano karon sa Bombo Radyo Philippines nga dal-on ang maong event sa Luzon ug Visayas, sa pangandoy nga makapahigayon sa sunod panahon ug nationwide nga Bombo Bancarera.
