Bolts gipildi ang Hotshots sa iskor nga 99-94; Si Banchero maoy unang magdudula nga nakaiskor og 4 puntos

Gipildi sa Meralco Bolts ang Magnolia Hotsots, 99-94 sa pagsugod sa PBA Season 49 Governor’s Cup nga gipahigayon sa Araneta Coliseum.

Ang mibalik nga import nga si Allen Durham maoy nangulo sa kadaugan sa Bolts pinaagi sa iyang 20 puntos, 16 ka rebounds, duha ka assists ug usa ka steal.

Samtang si Chris Banchero nitala og 14 puntos diin siya usab ang unang nakatala og 4 puntos sa unang opisyal nga four-pointer line.

Sila si Jolo Mendoza ug Chris Newsome adunay 13 puntos matag usa.

Si Bolts head coach Luigi Trillo miingon nga siya nagtuo nga ang iyang mga magduduwa maka-shoot sa 4 point line.

Nausik ang 29 puntos ni Magnolia import Glen Robinson III ug 17 puntos ni Ian Sangalang.