GENERAL SANTOS CITY – Gipailawom sa unom ka bulan nga preventive suspension sa Ombudsman si Bohol Governor Erico Aristotle Aumentado kauban ang laing 68 ka Opisyal .
Mismong si Governor Aumentado ang nagkumpirma niini may kalabutan sa imbestigasyon sa pagbutang ug mga structure sa Chocolate Hills, nga usa ka protected area ug global geological park.
Gilayon nga mikatag ang video sa Opisyal dihang gi post sa sa official social media page sa Provincial Government of Bohol.
Sumala pa Mayo 28 migawas ang maong kamandu-an gumikan sa sumbong kalabut sa pagkatukod sa Captain’s Peak Resort sa Sagbayan ug ug uban pang estruktura sa Chocolate Hills National Monument.
Gani may imbestigasyon na nga gipahigayon ang Senado ug sa Kamara. Ang mga nasuspenso nga mga Opisyal ang gilangkuban sa Regional Directors, Department heads, Mayors, ug mga Kapitan .
Nanawagan pa kini sa mga empliyado sa capitolyo nga ipadayon ang pagserbisyo nga may dignidad, integridad, didikasyon ug pagka matinud-anon.
Una nga gikwestyon ang ang pagpatukod ug resort sa Chocolate Hills nga usa ka protected area, ug UNESCO Heritage Site.
