Gipaklaro ni Atty. Renato Magbutay, regional director sa Comelec 12 nga dili kinahanglan nga mukanaog sa mga sakyanan ang sakay sa private car gawas na lamang kung kadudahan ang tawo.
Matud pa ni Atty. Magbutag nga sa bahin sa mga pampublikong mga sakyanan pwede nga pakanaugon sa Comelec checkpoint.
Sa iyang pamahayag bawal usab ang body search sa mga motorista kung asa visual search lamang ang himuon sa mga pulis sa mga gipahigayong checkpoint.
Gapanawagan ang nasampit nga opisyal sa mga motorista nga kung muagi sa Comelec checkpoint, angayang mag-slow down, dayun ipaubos ang salamin sa sakyanan, switch off ang headlight, switch on ang cabin light ug i-andam ang drivers license ug vehicle registration.
Sa iyang pamahayag nga lahi ang quarantine checkpoint sa Comelec checkpoint.
Samtang gibutyag ni Magbutay nga anaa na sa desisyon sa kapulisan kung asa sila magbutang og checkpoint sa koordinasyon sa Comelec.
