GENERAL SANTOS CITY – Tulo ka kasong syndicated estafa ang giatubang ni Charles Cyril Saguilii Alegre 54 anyos nga taga Agan Homes Barangay Lagao ning syudad nga usa sa mga Board of Trustee sa Metro Gensan.
Matud pa ni P/ Major Reulito Lumiguid, chief of police sa Lagao PNP nga misurender sa kapulisan sa Davao City si Alegre gumikan gusto niya nga depensahan ang iyang kaugalingon sa mga alegasyon kaniya nga nalambigit sa investment scam.
Gikadugang pa ni Lumiguid nga gumikan sa GenSan ang kaso ilang gikuha sa Davao City.
Sa pagkakaron nagpabilin nga nabilanggo sa selda sa Lagao PNP ang maong wanted person.
Ang kasong syndicated estafa ang may criminal case number 20-32851 nga giisyu ni Judge Renato Tampac sa Regional Trial Court 11 Branch 59 sa kaniadtong Agosto 11, 2020 nga walay pyansa nga girekomenda.
Gawas pa niini adunay warrant of arrest usab nga gipagawas si Judge Lorna- Santiago sa RTC branch 36 sa dakbayan.
Sa pagkakaron nagpabilin nga nabilanggo sa selda sa Lagao PNP si Alegre nga gihulat na lang ang commitment order aron dad-on sa City jail sa Lanton, Apopong ning syudad.
