BATANGAS- Nagpabilin gihapon nga nakataas ang blue alert status sa Calabarzon (Region 4-A) human ang bag-ong pag-alburuto sa bulkang Taal.
Ilawom sa blue alert, mas kanunay ang koordinasyon tali sa mga ahensya sa gobyerno ug mga lokal nga gobyerno, dugang nga mga personahe ang gikatag, dugang nga mga tawo sa mga emergency operations centers, ug abli ang mga kabtangan sa gobyerno nga alang sa bisan unsang emergency deployment.
Sa miaging adlaw, natala ang phreatomagmatic eruption sa bulkan ug padayon nga gimonitor sa Office of Civil Defense (OCD).
Lakip sa gibantayan sa ahensya mao ang mga lungsod nga naglibot sa bulkang Taal sama sa Agoncillo, San Nicolas, Laurel, Talisay, ug Balete.
Sa laing bahin, base sa taho sa Philippine Institute of Volcanology and Seismology (Phivolcs) Taal Volcano Observatory, ang pagbuto wala kaayo nakahatag og makadaot nga epekto.
Hinuon, gipahimangnoan gihapon ang mga residente ug gitambagan nga panalipdan ang ilang panglawas batok sa makadaot nga epekto sa sulfur nga ibuga sa bulkan.
