Black Eyed Peas mibisita sa Pampanga sa wala pa ang Concert sa Manila

Mibisita sa Pampanga ang mga miyembro sa Black Eyed Peas nga silang will.i.am, Taboo, ug Apl.de.ap , ang lungsod nga natawhan sa Filipino-American nga si Apl, sa wala pa ang ilang concert sa Manila kagahapong adlawa Ilang gibisita ang dalan nga gihinganlan sa Apl.de.ap ug nangaon sa tradisyonal nga pagkaong Pilipino sama sa adobo ug sinigang nga giandam sa inahan ni Apl.

Atol sa ilang concert sa Manila, nakauban nila ang K-pop star nga si Sandara Park ug ang Filipino-American rapper nga si EZ Mil. Kabahin kini sa ilang international tour nga nagpasundayag usab sa Singapore, Thailand, Indonesia, Saudi Arabia, ug U.S.

Nailhan ang grupo sa mga kanta nga “Where Is the Love?”, “I Gotta Feeling,” ug “Boom Boom Pow.”