GENERAL SANTOS CITY- Hugot na ang pagpangandam sa buhatan sa Indigenous Peoples Mandatory Representative ning siyudad alang sa gikatakdang pagsaulog sa Blaan Day sa Hulyo 22. Ug gani, halos all-set na ang kinatibuk-ang preparasyon.
Matud ni IMPR Lucio Cawayan, tumong sa maong aktibidad aron mapromotar ug mapreserba ang ilang kultura.
Kahibaluan nga matag tuig nang giatangan sa ilang tribo nga dakong dungog usab alang kanila nga gihatagan sila ug igong atensyon sa lokal nga panggamhanan.
Sa Hulyo 22, bandang alas-6:00 sa buntag, magsugod sa float parade nga manukad sa Oval Gym, dayon pagasundan sa cutting of ribbon sa kasfala hall nga nahimutang sa kilid sa Oval Plaza.
Sundan kini sa opening ceremony, kung asa daghan ang giimbitahan nga mga bisita.
May matigayon usab nga pageant o Search for Modest Blaan Women in GenSan. Samtang, aduna usay Blaan Exhibit gihapon sa usa ka mall sa siyudad, ug magperform ang mga Blaan band sama sa Fais band, Gussato Band, Selek band ug uban pa.
Ipresenta usab ang mga Blaan dress embroidery, Oldest fasaka, search for historial Blaan, ug may mga padula gihapon sama sa Skuya Milah ug Kamfe anuk ug pagdakop sa manok.
Kahibaluan nga ang naasoy’ng kasaulugan gigahinan ug kapin P400,000 nga pondo gikan sa BDF ni IPMR Cawayan, nga gidugangan ug P100,000 gikan sa buhatan ni Mayor Ronnel Rivera.
