GENERAL SANTOS CITY – Gipaklaro ni Jong Facurib, Bulaong Terminal Administrator nga may biyahe ang tanang mga pampublikong sakyanan sa dakbayan gawas sa Yellow Bus Line karong adlawa Biyernes Santo.
Matud pa ni Facurib nga walay angayang kabalak-an ang publiko sa buot magbiyahe.
Normal ang schedule sa biyahe sa bus lakip na sa mga vans nga muadto sa mga nagkadaiyang destinasyon sa rehiyon 12 og 11.
Hinoon ang iyang pahimangno nga magpabiling sundon ang mga protocols gumikan naa pa ang bahad sa COVID 19 ..
Sa pamahayag ni Facurib nga kung Biyernes Santo gamay lang ang gabiyahe.
Sa matag semana santa kasagaran sa mga pasahero nga mudagsa sa Bulaong Terminal matigayon matag Miyerkules Santo.
Sa pagkakaron mitaas na ang volume sa pasahero ning Miyerkules Santo nga anaa sa 5,338, samtang tuig 2021 anaa sa 4,337 og tuig 2019 una ang pandemic anaa sa 12,936.
