DAVAO CITY- Ginakanayon sa Davao City Police Office nga laraw niini magduso og kaso batok sa usa ka guest sa hotel nga giingong migamit sa social media aron “daotun” ang imahe sa siyudad ug sa kinatibuk-an sa DCPO.
Matud pa ni PCapt. Hazel Tuazon, DCPO spokesperson, nga si Mark Dimerin, gikan sa Zamboanga City, mag-atubang og mga kaso sa paglapas sa Republic Act 10175, nga nailhan usab nga Cybercrime Prevention Act of 2012, ug Article 177 sa Revised Penal Code, human nga giangkon ni Mark Dimerin nga usa kuno sya ka Chief of police inspector ug chief of police nga mamahimong usurpation of authority.
Si Dimerin, nga nagpa-ila sab nga “Bishop”, kahinumdumang gisaysay niini sa iyang Facebook post, nga karon gipapas na, nga ang San Pedro Police Station wala siya gihatagan og pagtagad sa dihang miadto siya aron magpablotter human nga gi-harass matud pa siya sa duha ka myembro sa LGBTQ community niadtong Huwebes.
Uban sa iyang post, adunay imahe sa usa ka blotter gikan sa San Pedro Police Station.
Gibutang sab sa samang post nga ang Davao dili na luwas.
Sumala pa niini, nga duha ka myembro sa LGBTQ community ang nagpugos kaniya sa pagbayad gumikan sumala pa “mikontak matud siya alang sa usa ka massage service”, apan, iyaha kining gilimod.
Sa usa ka pahayag sa DCPO, niadtong Domingo sa hapon, subay sa ilang imbestigasyon, pasado alas 10 sa gabie, makita sa CCTV footage nga si Dimerin “boluntaryo nga nagpasulod” sa mga LGBTQ sa iyang kwarto sa hotel sa Palma Gil Street ug sukwahi kini sa iyahang post.
Si Dimerin nag-deactivate na sa iyang Facebook account, sukad kagahapong adlawa.
