BIR nawad-an og P1.41B koleksyon sa buwis tungod sa ‘ghost receipts’; Nagpasaka og mga reklamong ‘tax evasion’ batok sa 23 korporasyon

Nagpasaka og reklamong ₱1.41 billion tax evasion ang Bureau of Internal Revenue (BIR) sa Department of Justice (DOJ).

Kini batok sa 23 nga korporasyon lakip ang mga opisyal niini og 17 Certified Public Accountants (CPAs) tungod sa paglikay og dili tama nga pagbayad og buwis.

Gipangunahan ni BIR Commissioner Romeo Lumagui, Jr. ang pagpasaka og mga kaso.

Gibutyag niini nga pulos mga “ghost receipt” ang gigamit nga sistema sa mga nasampit.

Tungod niini, nabawasan ang gireport nga kita sa mga nasampit nga korporasyon hinungdan nalikayan ang pagbayad sa ilang saktong buwis.

Kakunsabo sa nasampit nga korporasyon ang mga CPA kung asa mihimo sila og mga sayop nga report.