Gisusi usab sa House Tri-Committee hearing ang isyu sa tax compliance sa social media influencers.
Dinhi, usa sa mga chairman sa komitiba nihangyo kang Antipolo City Rep. Romeo Acop nga maoy representante sa Bureau of Internal Revenue (BIR), Atty. Ron Mikhail Uy kung nituman ba ang bureau sa direktiba sa Tri-Comm sa miaging hearing kalabot sa pagsumite sa gidaghanon sa social media influencers nga gibuhisan sa BIR ug sa buhis nga ilang gibayran.
Gipasabot ni Atty. Uy, ang BIR nagtukod ug usa ka specialized body o usa ka task force nga nagtutok sa pag-imbestiga sa mga social media influencers ug sa ulahi gihatagan sila og mga letter of authority alang sa dugang nga tax audits. Matod niya, gihatagan sa komitiba ang bureau og listahan sa mga ngalan sa 27 ka mga social media personalities ug nasuta nga kadaghanan niini rehistrado.
Hinuon giangkon sa opisyal sa BIR nga tungod kay ang mga social media influencers naggamit sa ilang mga ngalan ug dili sa kompanya, ang uban kanila parehas og ngalan sa ubang mga magbubuhis. Diin ang usa kanila adunay 17 ngadto sa 18 ka managsama nga ngalan.
