Nagpahinumdomsi Bureau of Internal Revenue (BIR) Commissioner Romeo Lumagui Jr sa deadline sa annual income tax returns nga wala pay usa ka buwan, sa mga self-employed nga indibidwal ug online sellers sa pag-file sa ilang annual income tax returns (ITRs).
Ang deadline sa tinuig nga pag-file sa ITRs karong Abril 15 2025.
Matud ni Lumagui nga kadtong nalambigit sa online selling ug kadtong nag-operate sa usa ka sole proprietorship, diin ang negosyo narehistro ubos sa ngalan sa usa ka indibidwal imbes sa usa ka korporasyon gikinahanglan nga mo-file sa ilang tinuig nga ITRs gamit ang BIR Form 1701.
Alang niadtong kansang tinuig nga halin molapas sa PHP3 milyones, kinahanglang mosumite usab sila og Auditor’s Report ug Financial Statements nga giandam ug gipirmahan sa external auditor nga accredited sa BIR.
Ang mga magbubuhis nga nakadawat og BIR Form 2307, o ang Certificate of Creditable Tax Withheld at Source, gipahinumdoman usab nga i-attach kini sa ilang Form 1701 isip pamatuod sa tax credits nga gi-apply sa ilang income tax .
Gipahigayon sa BIR ang Friendly Tax Compliance Verification Drive niadtong Pebrero 10 hangtod 14, usa ka nationwide initiative dungan sa Tax Awareness Month.
Tumong sa pagpauswag sa boluntaryong pagsunod pinaagi sa paghimo sa mga lagda sa buhis nga mas masabtan ug ma-access, kapin sa 24,000 ka mga establisemento sa tibuok Pilipinas .
Tungod sa mas lig-on nga pagpatuman, digital innovation, ug gipaayo nga mga serbisyo sa magbubuhis, ang ahensya nakakolekta og record nga PHP2.852 trilyon sa 2024, milabaw sa iyang PHP2.848 trilyon nga target ug miposte og 13-porsiyento nga paglukso gikan sa 2023 nga kita
