GENERAL SANTOS CITY – Andam na ang COVID laboratory nga naa sa Dr. Jorge Royeca District Hospital, kini sumala pa ni GenSan Mayor Ronnel Rivera sa pakighinabi sa Bombo radyo.
Matud pa niini, gipaabot na lang sa lokal nga gobyerno ang License to operate nga maggikan sa DOH og RITM aron magamit na ang bio-testing laboratory sa syudad.
Gibutyag sa mayor, target nga mahimong operational ang laboratoryo sa Sept. 20 2020 kung asa makaya nga mag-test og hangtod 200 ka specimen.
Dugang pamahayag sa nasampit, paspas nga makontrola ang padayong pagkatag sa maong makamatay nga virus sa syudad kung magamit na sa hingpit ang laboratoryo.
Sa kamatuoran, nahuman na sa training ang mga medical technologies. Dili lang ang GenSan apan mga lugar sa tibuok rehiyon dose ang pwedeng i-cater niini.
Galaum ang mayor nga posebling bitbiton nilang NIATF Chair Sec Delfin Lorenzana, Sec. Roy Cimatu ug Sec. Carlito Galvez ang gihangyo nga dugang cartridge alang sa GenSan.
Kini human gikumpirma ang pag-abut sa dakbayan sa nahisgutang mga opisyal karong Septembre 17, 2020.
