Sarangani – Tungod sa binuhatan sa mga tawo apektado na ang mga Agila nga nagpuyo sa lagyong kabukiran human gitugaw ang ilang pinuy-nan.
Kini ang pahayag ni Bong Tuballes, PENRO Sarangani kalabut sa nakita nga patay nga Philippine Eagle.
Hinimu-an matud pa sa tawo ang usa sa hinungdan sa pagkamatay sa nahisgutang Agila human migawas sa necropsy nga nalumos ang Philippine Eagle hinungdan nag nahagsa sa baybayon sa Barangay Dalioa Maasim, Sarangani.
Gipaklaro ni Tuballes nga lahi ang naasoy nga Agila nga narescue sa Maasim tungod gibutangan ug tanda ang agila una gibuhi-an kaniadto.
Posible matud pa nga nag adto sa dagat ang Agila aron maniba ug isda apan dili kabisado sa lugar ug nahutdan ug kusog nga nagresulta sa pagkalumos.
Paghulagway niiini nga gibulabog sa mga tawo ang Mt. Busa nga gideklara nga sanctuary pinaagi sa National Integrated Protected Area hinungdan nga natugaw ang ilang kahimtang.
Posible nga may nagpahigayon ug hunting sa kabukiran luyo nga ginabawal ang pagsulod sa lugar aron dili matugaw ang mga langgam ug ubang mananap apil ang mga Agila.
