Nakakuha og tulo ka nominasyon ang Pinay girl group nga BINI sa BreakTudo Awards 2026.
Apil sila sa mga nominado sa kategoryang International Women’s Group.
Makigtigi sila sa maong kategorya batok sa Babymonster, BlackPink, Flo, Illit, Itzy, Katsye ug Twice.
Samtang, ang ilang kanta nga “Sweet Note” nominado usab sa International Music Video, diin makigtigi sila sa Enhypen, Lisa, BlackPink, Ariana Grande, BE, Lady Gaga, Doechii ug Katy Perry.
Ang fans sa grupo nga gitawag og Blooms nominado usab sa International Fandom of the Year, uban sa ATIN sa SB19, ARMY sa BTS, BÉSTY sa BE, BLINKS sa BlackPink, ENGENE sa Enhypen, FreenBeckyFans ug Swifties ni Taylor Swift.
Nagsugod ang pagboto niadtong Septiyembre 17 ug matapos sa Oktubre 17, samtang himuon ang awarding ceremony sa Nobyembre 24 sa São Paulo, Brazil.
