Posibleng himuon ang bilateral meeting tali sa Pilipinas ug China sa Hulyo, ning tuiga human sa insedente sa pagbabag sa China Coast Guard (CCG) sa resupply mission sa Pilipinas niadtong Hunyo 17.
Matud pa ni Foreign Affairs Secretary Enrique Manalo, kinahanglan pa nga magpadayon ang paggamit sa pormal nga dayalogo ug diplomasya bisan pa sa nahitabo.
Giangkon usab sa opisyal nga usa kini ka dakong hagit.
Dugang pa niini nga tingali sa unang bahin sa Hulyo sugdan ang dayalogo pinaagi sa Philippines-China Bilateral Consultation Mechanism aron hisgotan ang labing bag-o nga insidente.
Dako usab ang paglaum nga sa mamahimong dayalogo makatukod ug ‘confidence-building measures’ nga maoy basehan sa mas seryoso nga mga lakang.
Dugang niini dili magpakabuta-bungol ang ahensya sa mga panghitabo sa WPS ug dili masakripisyo ang soberanya sa nasud.
