Biktima sa karambola sa 2 ka sakyanan og motorsiklo, nakabsan sa kinabuhi

GENSAN – Gidala na sa iyang pamilya didto sa Marbel, South Cotabato ang patayng lawas sa driver sa elf human ang natigayon nga karambola sa duha ka sakyanan og usa ka motorsiklo sa Prk. 8 Brgy. Katangawan National HIghway sa miaging adlaw.

Giila ang biktima nga si Aurelio Manlunas , 57 anyos, minyo, Navara Subd, Marbel South Cotabato.

Ang nasampit maoy driver sa Masda Titan Elf nga nalambigit sa aksidente.

Kahibaluan nga gilayong gidala sa Socsargen Hospital ang nasampit apan makalabay ang pipila ka oras, nahunusan kini og kinabuhi.

Nasayran nga nakaangkon ug samad sa ulo ug mga bun-og garas sa kaluwasan ang biktima nga hinungdan sa iyang kamatayon.

Sa pagkakaron padayun pang giimbestigahan ang maong panghitabo.