Gikatakdang mopatuman sa usa ka dako nga pagtaas sa presyo sa lana ang mga oil companies ugmang adlawa pagkahuman sa pag-atake sa Israel sa mga pasilidad sa militar ug nuclear sa Iran sa Middle East.
Ang Iran maoy usa sa pinakadakong producer sa lana sa kalibotan. Ang forecast gibase sa nangaging mga adlaw sa patigayon.
Gipaabot nga mosaka sa P1.70 ngadto sa P1.90 matag litro ang presyo sa gasolina ug diesel.
Samtang ang kerosene gipaabot nga mosaka sa P1.40 ngadto sa P1.60 matag litro.
Gilauman nga opisyal nga ipatuman ang mga paglihok sa presyo sa mga produkto sa petrolyo epektibo sa Martes, Hunyo 17.
Ang kasamtangan nga geopolitical tension tali sa Israel ug Iran mao ang nag-unang rason sa pagsaka sa presyo, sa matag pag-atake sa pagbalos hinungdan sa kahadlok sa global nga merkado.Una nga gilusad sa Israel ang usa ka pag-atake sa mga pasilidad sa militar ug nuclear sa Iran.
Agig balos ang Iran naglusad usab og usa ka sunod-sunod nga mga ballistic missile firings sa Israel.
