Nadakpan sa Presidential Anti Organized Crime Commission (PAOCC) og Bureau of Immigration (BI) ang “big boss” sa Lucky South 99 nga usa ka Philippine Offshore Gaming Operator (POGO) hub nga naga-operate sa Porac, Pampanga. Kini mao si Lyu Dong nga nailhan usab sa mga alias nga Boss Boga, Boss Apao, Boss Bahaw, “Hao Hao” kag “boss of the boss.”
Kini nga tawo giingong maoy nagpaluyo sa mga scam farm nga kaylap sa Pilipinas lakip na ang duha ka kompanya sa Ilocos Sur, Lucky South 99 ug Hongsheng/Zun Yuan sa Central Luzon, ug laing duha ka illegal POGO sa Calabarzon.
May impluwensya usab kini sa ilegal nga kalihokan sa Sugbo ug Metro Manila.
Siya nadakpan kagabii sa usa ka residential subdivision sa Laguna.
Matod sa tigpamaba sa PAOCC nga si Dr. Winston Casio, si Lyu ang subject sa warrant of arrest ug mission order.
Matod sa tigpamaba sa PAOCC nga si Dr. Winston Casio, si Lyu ang subject sa warrant of arrest ug mission order.
Giisip kini nga dakong kalampusan sa Bureau of Immigration, Department of Justice, ug Inter-Agency Council Against Trafficking.
Matod ni Casio, bisag pila ka Chinese ang ilang ma-detain, dili gihapon paigo kon dili madakpan ang mga amo sama ni Lyu.
Gidala usab si Lyu sa PAOCC Detention Facility sa Pasay City alang sa inquest procedures.
Mismo si Casio ang mopasaka og kaso batok kang Lyu kay gipasanginlan niya nga gibutangan og cap ang ulo ni Casio ug ubang opisyal sa PAOCC nga mibutang usab sa ilang kinabuhi sa peligro. Mangayo usab og dokumentasyon ang mga kauban ni Lyu aron masuta sa Bureau of Immigration kung legal ba ang ilang pagpabilin sa Pilipinas.
