-- ADVERTISEMENT --
Gibalewala lamang ni US President Joe Biden ang mga pagsaway sa iyang nahimong lakang sa natapos nga presidential debate nila ni kanhi Pangulong Donald Trump.
Human ang debate nagpahigayon si Biden ug Vice President Kamala Harris ug presidential campaign sa North Carolina.
Giangkon niini nga bisan nahimong huyang ang iyang performance sa debate kung asa hinay ang iyang pag-istorya ug paglakaw siya nasayod nga kaya niya nga humanon ang unsa man nga trabaho isip usa ka presidente.
Wala usab niini gipalampas nga batikuson si Trump kung asa madunggan nga pulos mga bakak ang gipanulti sa kanhi pangulo.
