Dili musuporta si United States President Joe Biden pananglitan gusto sa Israel nga atakehon ang nuclear program sa Iran.
Kini ang lakip lang sa mga giingong posibleng kabahin sa pagpanimalos ni Israeli Prime Minister Benjamin Netanyahu human nagpaulan ang Iran sa gibanabanaang 200 ka missiles sa Israel sa milabay nga gabie nga ang uban nakalusot pa sa depensa sa maong Jewish state.
Ang pahayag ni Biden nga dili kini musuporta sa pagpanimalos sa Tel Aviv ang human sa iyang diskusyon sa uban nga lider sa Group of Seven ukon G7 nga amo ang Canada, France, Germany, Italy, Japan og United Kingdom.
Sa maong diskusyun na-istoryahan ang posible nga bag-o nga sanctions batok sa Iran.
Kahibaluan nga ang Estados Unidos og ang mga kaalyado niini ang nagatulod sa Israel nga magpugong og angaya gyud nga balansehon og maayo ang plano niini nga manimalos batok sa Iran.
Ang pagsalmot sa G7 ang tumong nga punggan ang pagkatag pa sa gyera sa Middle East nga unang nahitabo sa tali sa Israel og Hamas og gi-intrahan sa uban pa nga militant groups nga mao ang Hezbollah og bisan ang Houthis nga pulso proxies sa Iran.
Kun tandugon sa Israel ang controversial nuclear program sa Tehran, mao kini ang makonsidera nga labing dako nga lihok nga makapasamot pa sa gyera sa rehiyon sa Middle East.
