GENERAL SANTOS CITY – Aron pagsiguro nga mapatuman gayud sa kapulisan sa rehiyon dose ang programa sa Department of Interior and Local Government nga Buha’y Ingatan, Droga’y Ayawan.
Mismong si Police LTGEN RHODEL SERMONIA, ang Deputy Chief, PNP for Administration ang nakig estorya sa mga personahe sa Police Regional Office 12 sa nakalabay nga adlaw.
Naa usab sa maong higayon ang mga representante gikan sa National Convenors, Regional and Provincial Advocacy Support Groups, Force Multipliers ug ang kapulisan gikan sa PRO 11 ug PRO BAR.
Gipaklaro ni Police Lt Gen Sermonia nga lig-on ang suporta sa kampanya ni SILG Atty Benjamen Abalos pinaagi sa lain laing police-community programs sa pagpalig-on sa moral ug spiritual nga adbokasiya aron masumpo ang gidili nga druga.
