MAGUINDANAO DEL SUR- Patay ang usa ka opisyal sa Bangsamoro Islamic Armed Forces–Moro Islamic Liberation Front (BIAF-MILF) kauban ang iyang drayber ug usa ka 5-anyos nga bata human gi-ambush ang ilang sakyanan sa Barangay Kapimpilan, Ampatuan.
Giila ang mga biktima nga sila Commander Toabak Sangki Kindo, kasamtangang battalion commander ilalom sa 1st Brigade, 118th Base Command, Central Mindanao Front BIAF-MILF, ug ang iyang drayber nga si Boy Sangki, lakip ang 5-anyos nga anak sa drayber.
Sumala sa pamilya sa biktima, pauli na unta sila sa dihang kalit silang gi-ambush sa wala pa mailhing mga suspek.
Ang mga biktima nakaangkon og daghan ug grabeng igo sa bala nga maoy hinungdan sa ilang dali nga kamatayon.
Samtang padayon pa ang imbestigasyon sa mga awtoridad aron maila ang mga suspek ug matino ang motibo sa krimen.
