GENERAL SANTOS CITY – Gikatakdang ilusad sa Bureau of Fisheries and Aquatic Resources (BFAR 12) ang Tuna Conservation and Management Zones (TCMZ’s) sa mga fishing grounds sama sa Celebes Sea nga bastante matud pa sa adult tuna.
Matud kang Mr. Glenn J. Padro, Senior Fishing Regulations Officer sa BFAR 12, ang long term-objective kon malungtaron nga tumong niini mao ang maka- contribute sa pag-angkon ug fish food security ug paigo nga tuna production and livelihood.
Gihingusgan ni Padro nga ang pagtukod sa TCMZ’s sa Philippine waters ang usa ka national priority project sa Department of Agriculture – Bureau of Fisheries and Aquatic Resources (DA-BFAR).
Samtang ang short-term objectives matud pa sa TCMZ mao ang una, pag-provide ug exclusive fishing zones alang sa tuna handliners sa nagkadaiyang mga areas; ikaduha, ang pagpromotar sa conservation ug management sa offshores tunas; ug paghatag ug panginabuhian sa mga small-scale ug handline fishers ug mag-contribute alang sa malungtarong produksyon sa tuna.
