Nagtuo ang aktres nga si Bela Padilla nga adunay dakong matabang sa industriya sa pelikulang Pilipino ang gisugyot nga balaod nga Local Film Industry Development Act.
Ang maong sugyot balaodnon giakda ni Negros Occidental Congressman ug Chairperson sa Committee on Creative Industry and Performing Arts nga si Javi Benitez.
Matod sa aktres, sa dihang gipaila kaniya sa magbabaload ang maong sugyot, iyang gipadayag nga makatabang kini sa pagpalambo ug promosyon sa mga lokal nga pelikula sa nasud.
Misalmot si Padilla sa hearing sa House of Representatives alang sa paghisgot sa maong sugyot balaodnon.
Apan wala kini magdugay sa maong pagdungog tungod kay adunay iyang giapas nga shooting para sa iyang pelikula.
Pinaagi sa iyang social media account, gipadayag sa aktres ang iyang mga ideya ug ang posibleng maayong epekto sa maong sugyot.
Gipasalig usab niini nga padayon niyang suportahan ang mga lokal nga pelikula sa Pilipinas.
