Beermen usa nalang ka daug ang kinahanglan aron makasulod sa finals human pildihon ang Ginebra sa iskor nga 115-109

Usa na lang ka daog ang gikinahanglan sa San Miguel Beermen aron makaabante sa PBA Philippine Cup finals.

Kini nahitabo human nila nakuha ang 3-2 nga labaw pinaagi sa pagpildi sa Barangay Ginebra 115-109 sa dula nga gipahigayon sa Smart Araneta.

Si June Mar Fajardo ang nangulo sa Beermen sa kadaugan nga may 21 puntos ug 11 ka rebounds samtang si CJ Perez adunay 20 puntos, tulo ka rebounds ug duha ka assists.

Gidayeg ni Beermen head coach Leo Austria ang iyang mga magduduwa sa ilang paglahutay aron modaog.
Nakaabot sa 17 puntos ang labaw sa Beermen sa wala pa kini gipakunhod sa Ginebra ngadto sa 11 puntos na lang.

Nasayang ang 20 puntos ni Scottie Thompson ug ang 18 puntos ni RJ Abarrientos para sa Ginebra.