Gipaambit ni Miss Universe Philippines Bea Millan-Windorski ang iyang personal nga panaw sa panglawas human siya bag-ohay lang na-diagnose og polyendocrine metabolic ovarian syndrome o PMOS.
Sumala kang Bea, nakaapekto kaniya ang kondisyon ilabina sa ‘hormonal acne’ nga kasagarang mogawas sa bahin sa iyang suwang sa dili pa ang iyang regla.
Matud niya, nakatabang usab kaniya ang pag-inom og ‘supplements ‘ ug ‘wellness products’ sama sa Hormo Balance sa pagdumala sa iyang kahimtang.
Giawhag ni Bea ang mga kababayen-an nga mahimong mas abri sa pagpaambit sa ilang mga kasinatian bahin sa panglawas ug sumala pa niya nga wa sila nag-inusara sa pag-atubang sa maong kondisyon.
Sa Dugang pa ni Windorski, importante ang usa ka komunidad diin ang mga babaye makapaambit sa ilang mga kasinatian ug makat-on gikan sa usag usa.
