Baybayon sa Pangyan misaka og 2 metros human sa 7.8 magnitude nga linog; Coral reef ug seagrass naapektuhan sa Sarangani Bay

Gikumpirma sa DOST-PHIVOLCS ug DENR-MGB Region XII nga nahitabo ang pag-alsa sa baybayon sa Barangay Pangyan human sa magnitude 7.8 nga linog niadtong Hunyo 8.

Base sa mga survey sa kahanginan ug yuta, ang salog sa dagat misaka og mga duha ka metros ug ang baybayon milapad og mga 200 meters.

Tungod sa pag-atras sa tubig sa dagat, daghang mga coral reef ug seagrass bed ang nigawas sa ibabaw sa dagat.

Tungod niini, ang pipila ka mga coral ug uban pang mga organismo sa dagat sama sa isda ug kinhason nangamatay tungod sa kalit nga pagbag-o sa ilang palibot.

Sa pagkakaron, ang PENRO ug SBPS PAMO nagpalihok sa ilang mga ranger aron masusi ang kinatibuk-ang kadaot sa Sarangani Bay.