GENERAL SANTOS CITY – Pormal nang gikumpirma sa Liga ng mga Barangay sa Pilipinas si Brgy Labangal Kapitan Lorelie Pacquiao isip Association of Barangay Captains (ABC) President dinhi sa siyudad.
Base kini gipagawas nga certificate of confirmation sa liga, kung asa apil usab nga gikumpirma silang Brgy Lagao Kapitan Rolito Blando Sr. isip vice president, auditor: Kap Armando Diamante sa Baluan, ug board of directors nga gilangkuban nilang Kap Nicanora Vargas sa Bula; Kap Romy Pagaduan sa Ligaya; Kap Jose Dinopol sa Brgy. Dad. East; Kap Abdul Rahim Paidumama sa Brgy. San Jose; Kap Rock Garay sa Brgy. Dad South; Kap Rogelio Solis sa Buayan; Kap Rodolfo Lozano sa Brgy. Sinawal ug Kap Arman Mejia sa Brgy North ning syudad, nga maoy napili sa gipahigayon nilang piniliay miaging bulan.
Gumikan niini, si Kapitan Pacquiao ang maoy mulingkod isip ex-officio member sa Sangguniang Panglungsod, kung asa makauban niya ang bana nga si Kag. Bobby Pacquiao.
Kahinumduman human ang eleksyon kaniadtong Mayo, gidungog na nga si Kapitan Pacquiao ang ginaduso nga mahimong ABC president dinhi sa siyudad.
