GENSAN– Dakong hagit sa lokal nga panggamhanan sa Gensan nga mahimong mas bongga pa ang Batang Pinoy ning tuiga itandi sa Palarong Pambansa base sa gilaumang mahitabo ni Philippine Sports Commission Chairman John Patrick Gregorio.
Matud ni Lady Manalo, Chief sa City Sports Division, gitugyan sa PSC ngadto sa LGU-Gensan ang grand opening nga matigayon sa Sports Complex sa Brgy. Calumpang sa Uktobre 25.
Gibutyag niini nga gipangandaman pagmaayo ni City Mayor Lorelie Pacquiao ang pormal nga pag-abli sa maong torneyo.
Kahinumdoman nga ang chopper ni 8 division world boxing champion Manny Pacquiao ang mi-eksena sa opening ceremony sa SRAA Meet 2024 sa Gensan dihang naghulog kini og mga confetti.
Samtang, naghatag usab og ceremonial water salute ang duha ka firetruck og pagkahuman niini nasaksihan usab ang fireworks display.
