GENERAL SANTOS CITY- Patong patong nga kaso ang atubangon sa usa ka batan-on nga nasikop sa pagmaneho sa kinarnap nga motor nga nakuhaan usab ug putos sa gituhu-ang shabu.
Nasikop kini human nagpahigayon ug pursuit operation ang kapulisan sa Polomolok human nagpatabang sa presento ang nagpangalan ug Marvin Ryan Sunga , 26 anyos nga residente sa poblacion Tupi South Cotabato human matud pa nabitkima sa carnap.
Paghulagway sa biktima nga Brutos 140 cc ang iyang motor nga gisakyan sa wala maila nga suspek samtang mipadulong sa POlomolok.
Naapsan matud sa kapulisan ang suspek ug nabawi ang kulay pula nga motor nga giingon ni Sunga apan dihang girikisa nakuhaan hinuon kini ug druga.
Suspek giila nga si Joseph Morales, 18-anyos, residente sa Purok 4, Barangay Glamang, Polomolok South Cotabato.
Gipangita usab sa kapulisan ang duha ka kauban ni Morales nga silang Jack Maguindadatu ug si Erwin Mohamad, pulos taga Barangay Lapu, Polomolok nga kauban matud pa sa pagkawat sa motor sa biktima.
