GENERAL SANTOS CITY – Gihingusgan ni Dr. Carlito Rocafort, bag-ong regional director sa Department of Eduaction ( Deped ) 12 nga angayang tun-an balik ang basic education learning continuity plan.
Matud pa ni Dr. Rocafort nga daghang mga butang nga angayang bag-ohon sa 3rd og 4th quarter sa school year 2021-2022 hangtud sa sunod nga klase.
Kini gumikan ang blended learning ang wala sa plano og wala gilauman nga muabot ang pandemnya.
Kahibaluan nga Marso 25, 2021 ang appointment ni Rocafort nga mahimong OIC regional director sa Deped 12 puli kang Dr. Ceasar Francis Bringas nga pipila ka bulan lang sa Rehiyon 12 nga gi-assign usab sa Calabarzon.
Kini ang labing unang assign ni Rocafort isip OIC regional director human nga nahimong assistant regional director sa Deped National Capital Region.
