Napasar na sa House of Representatives sa ikatulo ug katapusang pagbasa ang balaodnon aron i-reset ang unang regular nga parliamentary elections sa Bangsamoro Autonomous Region in Muslim Mindanao (BARMM).
Sa boto nga 247-0 ug duha ka abstentions, giaprobahan sa House ang House Bill 8220 atol sa plenaryo sa House
Ubos sa balaodnon, ang eleksyon sa BARMM ipahigayon sa ikaduhang Lunes sa Septyembre ug matag tulo ka tuig human niini.
Si House Committee on Suffrage and Electoral Reforms chairperson ug Lanao del Sur Rep. Zia Alonto Adiong sayo pa miingon sa kamahinungdanon sa pag-postpone sa eleksyon tungod sa bag-o nga mga kalamboan, lakip na ang desisyon sa Korte Suprema nga nagtangtang sa Sulu gikan sa BARMM.
Ang balaodnon naghatag usab sa paghatag og holdover capacity sa mga miyembro sa Bangsamoro Transition Authority hangtod nga mapili ang mga bag-ong opisyal sa rehiyon.
Ang balaodnon nagmando usab sa Commission on Elections (Comelec) nga gamiton ang automated election system nga gigamit sa 2025 midterm elections o mangita og alternatibo nga gamiton sa eleksyon sa BARMM.
Ang balaodnon kabahin sa prayoridad nga agenda sa lehislatura sa Legislative Executive Development Advisory Council.
