Murag tinuod nga barko ang unang tan-aw, apan usa ra diay kini ka building nga nahimong bag-ong atraksiyon sa Navotas.
Ang M/S Noah, nga gipanag-iya sa pamilya ni Isaac De Guzman, gidisenyo nga pormag barko bisan dili kini tinuod nga sakayan pandagat.
Sumala kang Isaac, bisan building lamang kini, gigamit sa pagtukod ang mga teknik ug materyales nga kasagarang gigamit sa paghimo og barko.
Mas nakadani pa kini sa atensyon sa publiko human mag-viral ang hulagway sa maong building nga gipalibutan na sa baha, hinungdan nga daghan ang nakapangutana nganong adunay “barko” sa tunga sa mga kabalayan.
Adunay pay pipila nga nagpost nga “gumikan sa baha gisuno na sila ug barko sailang lugar” hehehe.
Ang sulod diay sa M/S Noah mga ka Bombo, adunay restaurant, events place, spa, manicure, pedicure ug sauna, nga mura usab og cruise ship ang konsepto.
SANA ALL!! Matud ni Isaac, nahimong panalangin ang viral nga litrato tungod kay mas nailhan ang ilang negosyo ug mas daghang bisita ang miadto sa ilang lugar.
Dugang pa niya, dili lang ang ilang pamilya ang nakabenepisyo sa proyekto, kondili ang tibuok komunidad usab pinaagi sa pagdagsa sa mga bisita sa ilang barangay.
