Gibanggaan ug gibombahan ug tubig sa mga Chinese Coast Guard (CCG) vessels ang BRP Datu Sanday sa Bureau of Fisheries and Aquatic Resources (BFAR) karong adlawa Agusto 25, 2024 .
Sugod 10:30 sa buntag giharangan pa sa mga Chinese ang Philippine vessel nga anaa sa 10 nautical miles duol sa Sabina shoal.
Hangtud alas dos sa hapon, dihang giipit ug gibanggaan sa mukapin lima ka higayon ang BRP Datu Sanday.
Gipalibutan sa CCG 3104, 4102, 21555, 21551, ug mga militia vessels ang BRP Datu Sanday ug dungan nga giatake gamit ang water cannon ug gitarget ang navigational equipment sa naasoy nga barko sa BFAR.
Kahinumduman nga ang CCG 21551 ang mibangga sa BRP Bagacay nga magresulta sa pagkabangag sa kilid sa barko kanaidtong kaadlawon sa adlaw nga lunes .
Kini usab ang unang mibangga sa BRP Datu Sanday kaganiha.
