GENERAL SANTOS CITY- Nakitaan ug pagtaas ang kaso sa dengue dinhi sa dakbayan sa Heneral Santos. Base sa datos sa City Epedimologist and Surveilance kon CESU sugod enero nag-una ang barangay Labangal nga may pinadaghan nga kaso sa dengue kung asa anaa sa 44 gikan sa kinatibuk-ang 229.
Sa regional level adunay natala ang DOH nga 1,718 ka mga kaso kung asa nag-una nga adunay pinakataas nga ihap ang North Cotabato samtang anaa sa ika-upat ang General Santos.
Sumala pa nga gikan sa Enero uno hangtod Hunyo 18 may total 2,719 dengue cases sa rehiyon , 1,137 nga kaso ang natala gikan sa North Cotabato , 615 sa Sarangani Province, 544 dengue cases sa South Cotabato 229 cases sa Gensan ug 194 ka kaso sa Sultan Kudarat.
Kahibaluan nga kagahapong adlawa nagdeklara ug state of Calamity ang Surralah South Cotabato tungod tulo ka barangay sa lugar ang hilabihan nga naigo sa dengue nga gilangkuban sa Buenavista , Centralla ug Barangay Dahay.
Samtang una ng nagpahimangno si Dr. Jett Oco ang Department head sa City health Office nga importanteng maiguro nga limpyo nga palibot aron nga walay kapuy-an ang mga lamok ug ang mga ginaipon nga tubig butangan ug taklob gumikan usa kini sa hilig tapukan sa mga maong mga insekto.
