GENSAN- Nagpabiling luwas ug hapsay ang kahimtang sa mga bakwit sa Barangay Lagao human daling miabot ang dinaliay nga tabang gikan sa nagkadaiyang mga non-governmental organization (NGO) ug sa nasudnong kagamhanan pinaagi sa pag-apod-apod og mga food pack.
Sumala ni Kapitan Jaime Tatad sa Barangay Lagao, temporaryong gipahimutang sa covered court sa Carcon Village ang anaa sa 163 ka indibidwal o gibabagang 86 ka pamilya kansang mga panimalay hingpit nga nangaguba tungod sa nahitabong linog.
Gawas nga igo ug sobra-sobra pa ang suplay sa pagkaon ug mga nangunang kinahanglanon alang sa maong evacuation center, gipasalig sa kapitan nga ang uban pang mga donasyon gikan sa pribadong sektor ihatag usab ngadto sa uban pang mga residente sa barangay nga dako gihapong naapektuhan sa kalamidad aron masiguro nga ang tanan maatiman.
