GENERAL SANTOS CITY – Patay ang usa ka Barangay Kagawad og usa pa ka residente human matud pa misukol sa kapulisan sa pagpatuman sa search warrant.
Matud kay Police Supt. Maximo Sebastian Jr, hepe sa Regional Drug Enforcement Unit nga ilang gisulod sayo sa kaadlawon ang balay ni Barangay Kagawad Rene Kamid sa Lun Padisu Malapatan Sarangani Province og nakuha ang usa ka Thompson sub-machine gun, 12 bala og usa ka magazine sa caliber 45 pistol.
Sunod nga gisulod ang balay sa negosyanteng si Janeth Ortillas sa Pobalcion Malapatan apan nagnegatibu kini sa explosibu, druga og pusil.
Negatibo usab sa iligal nga druga , explosibo og pusil ang balay ni Napia Kamid og dihang gisulod ang pinuy-anan ni Sapu Padidu Kagawad Alfonso Sambaga didto nadunggan ang mga buto sa mga pusil tungod misukol matud pa ang maong kagawad.
Wala usab nakaabot nga buhi sa Glan Community Hospital ang usa pa nga biktima nga si Rakib Morin nga misukol usab matud pa sa otoridad gamit ang 38 revolber.
Anaa sa kustudiya na sa otoridad ang nakuhang iligal nga druga og mga pusil gikan sa target sa operasyon.
Ang Search warrant ang pirmado ni Regional Trial Court 35 Judge Oscar P. Noel Jr.
