SARANGANI – Malipayong gidawat sa 194 Barangay Health Workers (BHWs) gikan sa 19 barangays sa munisipyo sa Kiamba ang ilang honoraria alang sa 1st quarter sa tuig gikan sa Lokal nga Panggamhanan sa Sarangani sa pagpanguna ni Governor Rogelio “Ruel” D. Pacquiao.
Katibuk-ang P4,500 ang nadawat sa matag usa sa mga nahisgutang BHWs.
Kahibaluan nga ilalom sa Barangay Health and Nutrition Workers Welfare Ordinance of 2021, makadawat ang mga BHWs og monthly honorarium gikan sa Provincial Government isip pagpasalamat sa ilang kamaayo sa paghatag og serbisyo sa mga Sarangan.
Kahibaloan nga ilawom usab niini nga programa, adunay inisyatibo si Governor Pacquiao nga paghatag og tig-usa ka motorsiklo matag barangay aron mahimong masakyan sa mga BHWs sa ilang mga medical mission ug aktibidad.
Gumikan niini, dako ang pagpasalamat sa mga nahisgutan sa gobernador tungod mamahimong mapasayon na ug mapaspas ang ilang paghatod og serbisyong medikal ngadto na sa ilang mga katawhan.
