GENERAL SANTOS CITY – Gilugwayan pa ang gipatumang lockdown measures sa Barangay Hall sa Lagao human nagpositibo ang usa ka miyembro sa frontliner team sa maong barangay.
Apan wala pa masayran kung unsa nataktan sa covid19. Basi sa EO 2020-11 ni Kapitan Rolito Blando, gipahimangnuan niini ang tanan nga suspendido una ang paghatag og mga basic services sa barangay Lagao sama sa pag-isyu og mga clearances, certifications, cedula, permits og uba pa.
Una niini gipatuman ang containment measure sa maong barangay hall aron tagaan ug dalan ang contact tracing og pagpahigayon og disinfection human nga nagpositibo sa covid 19 ang asawa sa barangay treasurer sa Lagao.
Mubalik unta sa normal nga operasyon ang barangay hall sa Lagao niining adlawa apan gilugwayan pa human sa pagpositibo sa usa ka frontliner.
Kahibaluan nga gipailawom sa zonal lockdown ang tulo ka dapit sa Brgy. Lagao.
